Денсаулық сақтауды цифрландыру

"Денсаулық туралы" Кодексінің жобасын талқылау

  • Арнайы нұсқа
  • Мобильді нұсқа

You are here

Жаңалықтар

Национальным центром экспертизы лексредств и изделий медицинского назначения и медтехники МЗ РК в 2018 году всего проведено более 6,5 тыс. экспертиз лексредств и медизделий
11.02.2019 г.

ҚР ДСМ Дәрілік заттарды, медициналық мақсаттағы бұйымдарды және медицина техникасын ұлттық сараптау орталығымен 2018 жылы дәрілер мен медициналық бұйымдарға барлығы 6,5 мыңнан астам сараптама жүргізілген

 

Орталық коммуникация қызметінің (ОКҚ) алаңында ҚР ДСМ Дәрілік заттарды, медициналық мақсаттағы бұйымдарды және медицина техникасын ұлттық сараптау орталығы (ДЗҰСО) негізгі қызмет бағыттарына: дәрілік заттар мен медициналық бұйымдардың қауіпсіздігі мен сапасын сараптау және бағалау, дәрілік препараттардың жағымсыз әсерлерін мониторингтеу, сонымен қатар медициналық өнімге баға белгілеуді талдау және т.б. қатысты 2018 жыл нәтижелерін қорытындылады.

Іс-шараға Қазақстан Республикасы Денсаулық сақтау министрлігі Фармация комитетінің төрайымы Людмила Бюрабекова және ДЗҰСО Бас директорының міндетін атқарушы Қанат Ержанов қатысты.

«Біздің орталық дәрілік заттар мен медициналық бұйымдар айналысы саласындағы мемлекеттік сараптау ұйымы болып табылады және Қазақстан Республикасының аумағында өткізілетін дәрілер мен медициналық бұйымдардың сапасы мен қауіпсіздігіен бағалау жүргізеді. Басқаша айтқанда, дәрілік препараттар мен медициналық бұйымдардың қазақстандық дәріханалар сөрелеріне түсуіне дейін біз оларды кешенді сараптамадан өткіземіз, қауіпсіздігін, тиімділігін және сапасын, сондай-ақ белгіленген талаптарға сәйкестігін бағалаймыз», - деді ДЗҰСО Бас директорының міндетін атқарушы Қанат Ержанов.

2018 жылы ДЗҰСО Еуразиялық экономикалық одақтың (ЕАЭО) фармацевтикалық нарығына шығу мақсатында ауқымды жұмыс жүргізді. Нәтижесінде Қазақстан ЕАЭО елдерінің аумағында медициналық қолдануға арналған дәрілік препаратқа бірінші тіркеу куәлігін берді. Сонымен қатар, ЕАЭО шеңберінде Қазақстан референтті мемлекет ретінде дәрілік заттар сараптамасын жүргізуге шетелдік және отандық фармөндірушілерден 23 өтінім қабылдады.

2018 жылы ДЗҰСО барлығы  дәрілік заттар мен медициналық бұйымдарға 6537 сараптама жасады, бұл 2017 жылмен салыстырғанда 18% көбірек, сондай-ақ 63 000-ға жуық медициналық өнімнің қауіпсіздігі мен сапасы туралы қорытынды берілді.

2006 жылдан бастап ҚР Мемлекеттік фармакопеясы талаптарының дүниежүзінің негізгі фармакопеяларымен – Еуропа, Британ фармакопеяларымен, сондай-ақ АҚШ Фармакопеясымен үйлестірілген.

Қазақстанның 2006 жылдан бастап Еуропа кеңесінің Еуропалық фармакопеясының ресми бақылаушысы, 2010 жылдан бастап АҚШ  Фармакопеялық конвенциясының толық құқықты мүшесі және 2016 жылдан бастап Медициналық қолдануға арналған дәрілік заттарға қойылатын техникалық талаптарды үйлестіру жөніндегі халықаралық мәслихаттың бақылаушысы болып табылатынын атап өту керек.

ДЗҰСО сынақ зертханалары халықаралық сапа стандарттарына және Еуропалық дәрілер сапасы жөніндегі директораттың (EDQM) талаптарына сәйкестікке аккредиттелген, ОМСL Жалпы Еуропалық желіcінің (GEON) қауымдасқан мүшесі мәртебесін иеленген. 2018 жылы өткізілген ДДСҰ бенчмаркингіне сәйкес, дәрілік заттар мен медициналық бұйымдар айналымы саласындағы қазақстандық реттеу жүйесі көп қызметтік болып танылды.

ҚР ДСМ Фармация комитетінің төрайымы Людмила Бюрабековагың айтуынша, «ДЗҰСО-мен бірлесіп Комитеттің фармакологиялық қадағалау және дәрілік заттардың жағымсыз әсерлерін мониторингтеу бойынша атқаратын тиімді жұмысы денсаулыққа қауіп төндіретін препараттардың қазақстандық дәріханалар сөрелеріне жіберілуіне тосқауыл қояды».

2018 жылғы қаңтардан желтоқсанға дейін Қазақстанда барлығы дәрілік заттардың жағымсыз әсерлер жағдайлары жөнінде 3200-ден астам карта-хабарламалар тіркелген. Олардың қатарындағы кейбір медициналық препараттар уақытша сипатта болды немесе айналымына толық шектеу қойылды.

2018 жылы баға белгілеуге қатысты дәрілік заттардың бағаларын реттеу тәсілдерін талдау және қалыптастыру бағытында ауқымды жұмыс жүргізілді, онда сыртқы және ішкі референтті баға белгілеуді жүргізу, халықаралық тәжірибе ескерілетін баға белгілеу қағидаттарын енгізу, сондай-ақ дистрибьюторлар мен жеткізушілерге диверсификацияланған тәсіл қолдану қамтылады. Соның арқасында, бүгінгі таңда бөлшек саудадағы үстеме бағалардың ыңғайлы регрессиялық жүйесі әзірленді, бұл дәрілік препараттарға шекті бағаларды жылына екі мәрте белгілеу мүмкіндігін береді.

 


Мобильді нұсқа RSS Сайт картасы